மாவட்ட தலைவர் ரத்தினம் வரவேற்றார். நவம்பர் மாதம் பெய்த மழையில் பாதிக்கப்பட்ட தாயகம் திரும்பியோர் குடியிருப்புகளுக்கு மாற்றாக, புதிய வீடுகள் கட்டித் தருவதுடன், அனைத்து கிராம வீடுகளுக்கும் வீட்டுமனைப் பட்டா வழங்க வேண்டும்: டான்டீ குடியிருப்புகளை சீரமைத்து கழிப்பிடம் மற்றும் மருத்துவமனை வசதிகள் ஏற்படுத்துவதுடன், வாரிசுகளுக்கு கல்வி அடிப்படையில் வேலை வாய்ப்பு வழங்க வேண்டும்; தாயகம் திரும்பியோருக்கு தனி நலவாரியம் அமைத்து தனி இட ஒதுக்கீடு வழங்க வேண்டும்.கோத்தகிரி அரசு மருத்துவமனையை நவீனப்படுத்தி நோயாளிகளுக்கு சிறப்பு சிகிச்சை அளிக்க வேண்டும்; தமிழக அரசின் மேலவை உறுப்பினராக, தாயகம் திரும்பியோரை நியமிக்க வேண்டும்; மருத்துவம் மற்றும் பொறியியல் கல்லூரிகளில் பயிலும் தாயகம் திரும்பியோர் மாணவர்களுக்கு வங்கிகள் மூலம் ஒன்றரை லட்சம் கல்வி உதவித்தொகை வழங்க வேண்டும்; தாயகம் திரும்பியோர் குடும்பத்துக்கு, அரசு அறிவித்த இரண்டு ஏக்கர் நிலம் வழங்க வேண்டும் என்பன உட்பட பல தீர்மானங்கள் நிறைவேற்றப்பட்டன.